MAHILA-SASHAKTKARAN

MAHILA SASHAKTIKARAN

Mahila sashaktikaran  kya hai? Kya yeh sach me ho raha hai? Ho raha hai to kis hadd tak? Nahi ho raha hai to iske liye kaun zimmedaar hai?

Samaj me mahilayon ki dasha me sudhaar lane ke liye “MAHILA SASHAKTIKARAN ABHIYAAN” rashtriya istra par chalaya ja raha hai mahilayon ki parivaar aur samaj me suraksha ke liye gharelu hinsa jaise kai tarah ke kanun banaye ja rahe hain lekin unka fayda har ek mahila ko nahi mil pa raha hai. Iska bahut bada kaaran hai- ASHIKSHA.

 

Aaj bhi bahut-si mahilayen samuchit shiksha ki kami ki wajah se apne adhikaaron ko pahchanne me asamarth hain. Isliye  itne kanun banne ke baad bhi mahilayon ka shoshan samaj me ho raha hai. Ilaaj ki kami ki wajah se maa na ban paa rahin mahilayon ki istithi to mann ko jhakjhor kar dene wali hai. Aaj bhi beti paida hoti hai to uske liye mahila ko hi zimmedaar maana jaata h. kanya-bhroonn hatya, jo har ek din badhti ja rahi hain aur ghatta linganupaat bhavishya me mahilayon ki asuraksha ko darshaata hai.

Mahilayon ko vaastav me shaktishali banana ke liye pahle samaj ki soch ko badalna padega. Shiksha roopi deepak se samaj me phaile ashiksha roopi andhkaar ko mitana padega. Hamare desh me aaj bhi aesi jagahon ki kami nahi jahan log ye soch kar apni beti ki padhai chhudwa dete hain ki isko to dusre ghar jana hai ye padh kar kya karegi,kewal itna itna padhe ki shaadi thheek-thhaak ho jaye. In sab pareshaniyon ke baad bhi jab koi ladki,kisi-na-kisi tarah padh likh jaati hai aur apni mehnat ke bal par koi naukri paa jaati hai,tab bhi parivaar walon ki marzi ke bina weh naukri nahi kar paati.

 

Jab tak mahilaton ke liye panpi is tarah ki galit aur garhit samajik soch ko na badla jaye,unke maa-baap dwara unhe maansik roop se mazboot karke dusre ke ghar na bheja jaaye, shiksha sucharu roop se sabhi mahilayon tak na pahunch jaye, apne adhikaaron ko sabhi mahilayen na pahchaan len, sabhi mahilayon me shoshan ke khilaaf aawaz uthaane ki shakti na aa jaaye, tab tak weh mahila-sashaktikaran sahi mayne me nahi ho sakta,jo mahlayon aur desh ki istithi ko sudhaarne ke liye zyada zaruri hai.

SHEEBA KHAN B.A MASS MEDIA FINAL YEAR

 

 

 

About these ads

About sheebakhan

I'm a student at Jamia.
This entry was posted in Uncategorized. Bookmark the permalink.

एक उत्तर दें

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s