DAHEJ PRATHA

DAHEJ PRATHA

Dahej pratha aaj Bhartiya samaj ke liye ek abhishaap ke barabar hai. Maa-baap ke dwara apni beti ki shaadi me use diye jaane waala saaman hi Dahej kahlaata hai, jisse nav-dampatti ko apni prarambhik zindagi me koi pareshaani na ho. Lekin aaj ye pratha kupratha banti ja rahi hai. Aaj isme itni zyada buraiyan paida ho gayi hain ki iska andaza bhi nahi lagaya ja sakta hai. Ladki ki ehmiyat jaanwaron ke barabar hoti ja rahi hai. Ladke waale apne swarth me zyada se zyada mahngi cheezon ki maang karna lage hain, jise poora karne ke liye na jaane kitne log karzdaar ho jaate hain. Maang poori na hone par ya to baraat wapas laut jaati hai ya ladki ko tarah-tarah se sataya jaata hai. Laalach kabhi na khatm hone waala rog hai. Ladkiyaan dahej ki wajah se kabhi-kabhi aatm-hatya bhi kar leti hain ya unhe jala diya jaata hai.

Is tarah shaadi karna aur bahuon ko satana,un par atyachaar karna aaj ke laalchion parivaaron ka pasha ban gaya hai .

Agar aaj hume aaj is kupratha ko khatm karna hai to yuva-varg ko aage aana hoga aur dahej na lene ki kasam leni hogi.

Posted in Uncategorized | Leave a comment

ASHIKSHA EK SAMASYA

ASHIKSHA EK SAMASYA

Aaj is aazad Bhaarat desh me ashiksha ek bahut badi pareshaani ban gayi hai. Jo hamari kaamyaabi me sabse badi adchan ban gayi hai. Yeh pareshaani gaaon ke sath-sath shahron me bhi basi huyi hai. Agar hum Bhaarat ki kaamyaabi chahte hain ti hume gahanta se soch-vichaar kar iski wajahon ko jad se khatm karna hoga, tabhi is bimaari se chhutkaara paana mumkin ho sakta hai.

Ashiksha ki khaas wajah desh ki gharibi hai, logo me shiksha ki taraf  jaagrukta ki kami bhi iski ek wajah hai…..gaaon me schoolon ki kami aur aabaadi me varaddhi aur sarkaar ke zariye shiksha ki zaruraton ko sahi dhang se laagu na karna..ye sabhi ashiksha ki khaas wajah hain.

Ashiksha ko door karna bahut zaruri hai kyunki shiksha ki kami ki wajah se hamara vikaas dheemi gati se ho raha hai. Is samasya ka samadhaan desh ki kaamyaabi ke liye bahut zaruri hai. Iske liye hume logo ko shiksha ka mahattv batana hoga, zyada se zyada school kholne honge, khaas taur par gaaon aur juggi-jhopdiyon kea as-paas to zarur.

Sarkaar ko gareeb chhaatron ko kitaaben,copian aur shiksha se sambandhi cheezon ko free me pradaan karna chahiye. Shiksha ki zarurat ko sahi dhang se laagu karna chaahiye.

Vaastav me har shikshit insaan ka farz banta hai ki is samasya ki or sajag ho aur ise jadd se khatm karne me sarkaar ki madad kare. Ghar ke aas-paas ki gareeb bastiyon me shiksha ke prati jaagrukta uttapan kare. Ghar me kaam karne waale logo ko shikshit karne ka beeda uthhayen.

Jab tak sab log is kaam ko karne ka sankalp nahi lenge, tab tak is samasya ko door nahi kiya ja sakta hai.

SHEEBA KHAN B.A MASS MEDIA FINAL YEAR

Posted in Uncategorized | Leave a comment

BHARAT KE GAAON

BHARAT KE GAAON

Bharat ek krashi pardhaan desh hai aur bharat ki lagbhag 70% janta gaaon mein rahti hai..

Gandhi ji ne theek hi kaha hai ki Bharat ki aatma gaaon mein niwaas karti hai….waise to aazadi ke baad sarkaar ne gaaon ke vikas ki aur vishesh dhiyan diya hai lekin phir bhi kuchh gaaon ki dasha bahut dayneeye hai..kuchh gaaon ki to sadke pakki nahin hai aur chaaron aur gandgi hai..shiksha,manoranjan aadi ki suvidhayen bhi poori tarah nahin hain wahan hai to sirf jaativaad,ladaai-jhhgde aur mukadmebaazi ka bolbaala hai..log aaj bhi roodhhiyon aur andhvishvaason ko maante hain..kheti ke bhi puraane tareeke apnaye jaate hain aur yahan tak ki parivaar-niyojan jaise zaruraton par bhi dhyan nahin diya jaata hai lekin ye sikke ka sirf ek pahlu hai………gaaon ke vikas ki aur dhyaan bhi diya jar aha hai gaaon mein pakki sadke banaai ja rahi hai,school khole ja rahe hain,peen eke liye saaf paani ka intzaam kiya ja raha hai,kheti ki nayi jaankaariyan di ja rahi hain aur gaaon ke log pahle ke mukable ab adhik jaagruk hain,rin den eke loye bank khole ja rahe hain…sarkaar kisaanon ko mahajano aur vayapaariyon ke atyachaar se bachane ke liye faslon ko khud sahi daamon par khareed rahi hai.

Sadkon ke zariye sadkon se jud jaane ke kaaran gaaon ke vikas mein aur bhi tezi se gati hui hai…

Ab vah din jaldi hi aayega jab Bharat ke gaaon viksit aur sukh-suvidhaon se sampan honge aur jo humare desh ke liye khushi aur garv ki baat hogi.

SHEEBA KHAN B.A.MASS MEDIA FINAL YEAR.

Posted in Uncategorized | Leave a comment

MEHNAT KA MAHATV

MEHNAT KA MAHATV

Kisi bhi kaam ko karne ke liye hume mahnat ki zarurat hoti hai..auhar ek kaam mein safalta ka uddeshye mahnat se hi hota hai..mahnat karke hi hum apne jeewan mein unchaiyon ko chhune ka paryaas karte hain aur safalta bhi ppaate hain.

Mahnat se hume na kewal lakshe milta hai balki humara shareer bhi suvasth rahta hai aur apne kaam ki safalta k khushi se humara man bhi khush rahta hai..

Mahnat ko aadarsh jeevan ka moolmantra kaha jaata hai.

Sach to yeh hai ki mehnat ke bina insaan ki gaadi chal hi nahi sakti. Insaan lagataar mehnat kar ke hi apni unnati ke raaste ko tay kar saka hai. Aaj duniya me jo kuch dikh raha hai,insaan ki mehnat ka hi phal hai. Weh apni mehnat ke sahare hi jangli haalaton se aaj ke viksit halaaton tak pahuncha hai.

Zindagi me kaamyaabi ke liye mehnat bahut zaruri hai. Aalsi aur nikamma insaan zindagi ke kisi mukaam me kaamyab nahi hota hai. Kaamyaabi mehnat ki daasi hoti hai,weh mehnati insaan ke qadam choomne ko hamesha taiyaar rahti hai. Duniya me jitney bhi kaamyaab aur mahaan log huye hain wo pratibhashaali hone ke sath-sathmehnati bhi the.

Lagan aur kadi mehnat se hi insaan ka har kaam mumkin hota hai….jaise sote huye sher ke munh me hiran khud nahi ghus sakta.insaan ne jitna sangharsh aur jitni zyada mehnat ki,aakhir me usne utni hi unnati ki.

Sirf ichchha aur kismet ke sahare chalna buzdili hai. Insaan apni kismat ko banane wala khud hai. Nikamme logo ki kismet kabhi nahi jaagti. Waise bhi Ishwar unhi ki madad karta hai, jo apni madad khud karte hain. Buzdil aur nikammon se Ishwar bhi munh pher leta hai.

Mehnat ka phal jab insaan ke saamne aata hai to uska mannkhushi se uchhalne lagta hai. Weh khud me garv mehsus karta hai. Weh kisi ke saamne haath phaila kar gidgidaat nahi. Weh hamesha khud ke bharose rahta hai. Weh jaanta hai ki use jo chahiye weh main apni mehnat se haasil kar sakta hun.

Agar hum chahte hain ki apne desh,jaati aur samaaj ki kaamyaabi Karen tohume mehnati banna hoga.

SHEEBA KHAN B.A MASS MEDIA FINAL YEAR

 

Posted in Uncategorized | Leave a comment

SAMAY KA SADUPYOG

SAMAY KA SADUPYOG

Samay se keemti kuchh nahin hota hai aur jo insaan samay ko nasht karta hai samay usko nasht kar deta hai..hume apne kaam ko bina kisi aalaske samay par poora kar lena chahiye,yahi samay ka sadupyog hai..isliye hume samay ka sahi sadupyog karna chaiye taki hum safalta ke shikhar ko choo saken..kahte hain ki har kaam ko karne ke liye uska samay nishchit hona chahiye jo log bina samay khate hain bina samay sote hain bina samay uthhte hai wo log aalsi ho jaate hain jabki jo log apne har kaam ko sahi samay par karte hain wo log apni zindagi mein safal ho jaate hain..hume hare k-ek pal ki keemat ko samajhna chahiye aur hamesha samay ka paaband hona chahiye….

Chhatrpn ko to samay ka aur bhi adhik mahatv samajhna chahiye kyonki jo chhatr sone mein ya ghoomne-phirne mein samay ka durupyog karte hain wo jeevan mein kabhi safa nahin hote hain aur jo samay ki paabandi ka khyaal rakhte hain wo jaldi hi safalta ke shikhar ko choo lete hain….

Isliye hume hamesha ye koshish karni chaiye ki humara samay kabhi barbaad na hokyonki jo samay ek baar beet jaata hai wo kabhi wapas nahin aata hai aur samay ka sadupyog hi safalta ka moolmantra hai………

SHEEBA KHAN MASS MEDIA FINAL YEAR….

 

Posted in Uncategorized | Leave a comment

MAUT BANA NASHA

MAUT BANA NASHA

Humare samaaj mein nasha is kadar phhel gaya hai ki socha bhi nahin ja sakta hai.har nasha bura hai ghatak hai ye jaante hue bhi log nasha karna nahin chhodte hain kyonki ye unki aadat ban gaya hai jisko unhone shauk mein khana shuru kiya tha..

Har insaan ka farz banta hai ki veh doosron ka bhi nasha chhudvaye..samaj ko nashe ke is daldal se baahar nikalna hai jiske liye zaroori hai ki har insaan ko dardh-sanklipt hona ati aavashyak hai.in nashon mein mahila bhi bahut aage ta pahunch chuki hai.

Shikshak samaaj ko iske liye samay-samay par goshttiyan lagani chahiye taaki samaj mein phheli is buraai ko door kiya ja sake..

Agar nashe ki zarurat hai toscience ke anusaar agar kisi vayakti ko dard hai to use nasha diya ja sakta hai ya operation kiya jaaye to use nasha diya jaata hai

Vishve suvaasthe sangathhan neb hi kaha hai ki tambaaku ke sevan se poori dunia mein partivarsh kareeb 50 laakh log kaal ke muh mein sama jaate hain..yadi yeh chalan jaari raha to varsh 2030 tak yeh aakda ek karor tak pahunch sakta hai..

Tambaaku utpaadak ke packeton par sachitr chetavni chhapne mein ho rahi deri bharat aise desh ke liye badi hi khatarnaak saabit ho sakti hai..

Kevai bharat mein tambaaku ke sevan se partivarsh 10 laakh mauten ho jaati hain..kareeb 25 karor log gutka,cigrate,tambaaku ke anye utpaadko ka sevaan karte hain aur 5500 se adhik kishore partidin iska sevan shuru karte hain..yeh aankde maanav kalyaan sanghhatnon ke liye chinta ka vishye banta jar aha hai..

Caneda,Australia,Thailand,Europe jaise deshon mein tambaaku utpaadon ke packeton par sachitr chetaavni uske sevan ko kam karne mein bahut Adhik parbhavshaali saabit hui hai isliye bharat ko chahiye ki wo bhi apne utpaadon par sachitr chetaavni de taaki is samasya se kuchh had tak to nijaat paaya ja sake..

SHEEBA KHAN MASS MEDIA FINAL YEAR..

 

Posted in Uncategorized | Leave a comment

BEROZGAARI

BEROZGAARI

Aaj ke yug mein Bharat jis gati se pargati ki aur badh raha hai usi gati se berozgaari bhi badhti ja rahi hai  hai.gareeb gharon ke bachche agar kuchh padh bhi lete hai to unhe rozgaar nahi mil paata hai,kyuki rozgar pane ke liye kabhi –kabhi padhai ke atirikt alag se bhi kuchh course karne padte hai jo mahenge hote hai.course adhik mahenge hone ke kaaran duvidha yeh hoti hai ki unke paas itne adhik paiso ka intzaam nahin ho paata hai jo unke liye bahut hi pareshaaniyan kadi kr kar deta hai….

Bharat sarkaar bhi rozgaar ke kuchh avsar deti hai,parantu wo rozgaar unki ummeed se bahut adhik kam hote hain…dekha to ye bhi jaata hai ke bharat sarkaar duwara diye gaye  gareebon ko rozgaar ke avsar ka gareeb log faayeda bhi nahin uttha paate hain..

Bharat mein shikshit berozgaaron ki sankhya mein din-partidin varaddhi hoti jaa rahi hai aur jiska mukhye kaaran humaare desh mein rozgaar pardhaan nahin hona hai.

Bina punji ke kisi bhi rozgaar ka astitv sambhav nahin hai…sarkaar phir bhi nirantar koshish kar rahi hai.kuchh sarkaari naukriyan bhi nikaali jaati hai jahan sabhi varg ke yuvak aavedan karte hai aur pariksha mein bhaag lete hain partu usme bhi sabhi vidhyaarthi safal nahin ho paate hain…

Is parkaar aise vaatavaran mein aaj ka yogye vayakti bhi niraashavaad hota jar aha hai aur is istithi ko sahan nahin kar pane se galat raasta apna leta hai.agar berozgaari ki yahi samasya rahi to bharat ka bhavishye khatre mein pad sakta hai…humaari sarkar ko koi na koi sashakt kadam uthhana hoga anyetha iske dushparinaam niklenge..

SHEEBA  KHAN B.A.MASS MEDIA FINAL YEAR

 

Posted in Uncategorized | Leave a comment